FTESË PËR OFERTË: Organizimi i Festivalit Gastronomik

FTESË PËR OFERTË

Shoqata e Dora e Pajtimit në kuadër të projektit “URA” – Forcimi i kulturës arbëreshe midis Pulias dhe Shqipërisë” financuar në kuadër të Iniciativës “Rezistenca margjinale: Modeli i ekonomisë qarkulluese për vlerësimin e potencialeve territoriale” – identifikuar me kodin AID 012314/02/5 – financuar nga Agjencia Italiane për Bashkëpunim dhe Zhvillim dhe Rajoni i Pulias shpall  procedurën e prokurimit me objekt si vijon:

Organizimi i Festivalit Gastronomik Shqiptaro-Arbëresh në Vlorë, që përfshin:

1. Organizimin e një panairi:

• Sigurimi dhe menaxhimi i 20 stendave për prezantimin dhe shitjen e produkteve lokale dhe arbëreshe.
• Blerja e produkteve të nevojshme për stendat.
• Menaxhimi logjistik i panairit (përfshirë instalimet, dekorimet dhe mirëmbajtjen).

1. Organizimin e një darke gastronomike për 120 persona:

• Sigurimi i një restoranti në afërsi të qendrës së Vlorës, me kapacitet të mjaftueshëm për 120 persona dhe hapësirë për kërcim.
• Përgatitja e një menuje ekskluzive shqiptaro-arbëreshe sipas detajeve të përcaktuara.
• Dekorimi dhe shërbimi për të ftuarit gjatë darkës.

Datat e Pranimit

Hapja e Prokurimit: 01 Shtator 2024

Mbyllja e Prokurimit: 30 Shtator 224

Specifikimet Teknike

1. Organizimi i Panairit Gastronomik

Dhënësi i shërbimit duhet të sigurojë dhe të menaxhojë një panair të përbërë nga 20 stenda standarde me dimensione 2×3 metra, të përshtatshme për prezantimin e produkteve lokale dhe arbëreshe. Çdo stendë duhet të jetë e pajisur me:

• Çadra mbrojtëse për të siguruar mbrojtje nga kushtet atmosferike.
• Tavolina dhe pajisje për prezantimin e produkteve, si ekspozitorë dhe mbështetëse të tjera funksionale.
• Dekorime tradicionale që përfaqësojnë trashëgiminë shqiptaro-arbëreshe, përfshirë tekstile, flamuj dhe elemente të artizanatit lokal.

Panairi do të ketë hapësira të dedikuara për demonstrime live të përgatitjes së ushqimeve tradicionale dhe për aktivitete interaktive me vizitorët. Gjithashtu, duhet të sigurohet një staf për mirëmbajtjen e hapësirës dhe asistimin e pjesëmarrësve gjatë panairit.

2. Organizimi i Darkës

Darka për 120 persona duhet të organizohet në një restorant të ndodhur pranë qendrës së Vlorës, i cili ka kapacitet të mjaftueshëm për akomodimin e të ftuarve dhe një hapësirë të dedikuar për kërcim dhe performanca live. Restoranti duhet të plotësojë standardet e mëposhtme:

• Ambient i përshtatshëm për ngjarje të tilla, me një sallë të ndriçuar mirë dhe të dekoruar në stilin e festivalit.
• Pista e kërcimit duhet të jetë e pajisur me ndriçim dhe sistem audio për muzikë dhe performanca artistike.
• Kuzhinë profesionale që garanton cilësi të lartë për përgatitjen e një menuje ekskluzive shqiptaro-arbëreshe.

Menuja e Darkës duhet të përfshijë:

• Antipasti: Përzgjedhje salcash, djathërash të pjekur dhe produkte të konzervuara të Masseria Casacapanna di Chieuti, shoqëruar me Fasule Pllaqi dhe Sallatë Bregu.
• Primi: Shqeto Përmeti (supë pule me gjalpë të djegur) dhe Orecchiette me cime di rapa, mousse burrata dhe salsiçe të grimcuar.
• Secondi: Costolette di agnello (qengj me melocotogne dhe mostocotto) dhe Costole di vitello (viç me scalogno dhe kremë kumbullash).
• Dolci: Panettone me mousse mascarpone dhe revani Vlorë al forno.
• Pije: Përzgjedhje verërash si Primitivo Puglia dhe Merlot Cantina Balaj Valona.

Shërbimi duhet të sigurojë staf të trajnuar për shërbimin e darkës dhe dekorimin e sallës me motive tradicionale.

3. Blerja dhe Sigurimi i Produkteve

Dhënësi i shërbimit duhet të sigurojë blerjen dhe transportimin e produkteve lokale dhe arbëreshe që do të shfaqen dhe konsumohen gjatë panairit dhe darkës. Produktet duhet të përfshijnë:

• Djathëra të pjekur dhe produkte bulmeti.
• Vaj ulliri ekstra të virgjër dhe erëza.
• Ëmbëlsira tradicionale si panettone dhe revani.
• Produkte të konzervuara dhe artizanate lokale.

Të gjitha produktet duhet të jenë të certifikuara dhe të përmbushin standardet e cilësisë për tregun shqiptar dhe atë ndërkombëtar.

4. Logjistika dhe Menaxhimi i Aktivitetit

• Sigurimi i transportit dhe instalimit të pajisjeve për panairin dhe darkën.
• Planifikimi dhe koordinimi i stafit për aktivitetet e përcaktuara.
• Menaxhimi i orareve dhe mbikëqyrja e eventeve për të siguruar që gjithçka zhvillohet sipas planit.

Data në lidhje me aktivitetet do t’i komunikohen fituesit të shërbimit sapo ato të jenë të konfirmuara.

KUSHTET E PJESËMARRJES

Ofertuesi duhet të kete objektin e prokurimin në veprimtarinë e subjektit dhe gjithashtu të ketë kapacitetet e duhura për të zhvilluar organizimin e festivalit gastronomik.

Pagesa për këtë shërbim do të bëhet përmes bankës, pasi të lëshohet Fatura Tatimore. Çdo subjekt që nuk do të pranojë të paguhet përmes transaksionit banker do të prejashtohet menjëherë nga komisioni i vlerësimit. Vlerësimi i ofertave do të bëhet midis datave 1 – 10 Tetor 2024.

Shoqata “Dora e Pajtimit” mirëpret të gjitha ofertat dorazi në adresën si vijon: Rruga Fahri Ramadani, ish Magazinat e NTU-së, 4001, Shkodër, Shqiperi me dokumentacionin si vijon:

• Oferta financiare sipas shëmbullit bashkëlidhur këtij dokumenti, për shërbimin duke përfshirë TVSH dhe konceptin e propozimit
• Ekstrakt QKB